DILI, 22 abríl 2021 (TATOLI)—Líder Karismátiku, Kay Rala Xanana Gusmão, oferese kaixaun ba família atu haloot mate-isin Olga Mendonça (61), ne’ebé hakotu-iis iha sala izolamentu Vera Cruz ho COVID-19 iha tuku 9:00 otl.
”Ami la husu, maibé kaixaun ne’e avó Nana mak oferese de’it ba ami familia,” João Mendonça, nu’udar Oan mane hosi matebian hateten ba jornalista Agência Tatoli, iha sentru izolmentu Vera Cruz, kinta ne’e.
Notísia relevante:Família hein hela mate-isin Olga Mendonça iha Vera Cruz
Oras-ne’e daudaun, kaixaun seidauk hatún hosi karreta, tanba família sei hein desizaun hosi Sala Situasaun Sentru Integradu Jestaun Krize (SIJK), kona-bá fatin haloot mate-isin.
Tuir observasaun Tatoli, oras ne’e daudaun maski família matebian kuaze 100-resin mak hein, maibé situasaun iha sentru izolamentu Vera Crus hakmatek tanba hetan seguransa másima hosi Polísia Nasionál Timor Leste (PNTL).
Jornalista: Felicidade Ximenes
Editór: Cipriano Colo
