iklan

EKONOMIA, HEADLINE, KAPITÁL

Abitante 5.971 Caicoli simu ona Cesta Bázika

Abitante 5.971 Caicoli simu ona Cesta Bázika

Produtu Cesta Bázika. Imajen TATOLI/Antónia Gusmão.

DILI, 25 abríl 2021 (TATOLI)–Xefe suku Caicoli, postu administrativu Vera Crúz, munisípiu Dili, Hipólito Marques, hateten abitante iha suku ne’e kuaze simu hotu ona Cesta Bázika.

“Iha Suku Caicoli, xefe família 1.200-resin no abitante hamutuk 5.971 mak simu ona Cesta Bázika ne’ebé mak Governu liuhosi Ministériu Turizmu, Komérsiu no Indústria organiza hodi distribui,” Xefe suku Caicoli, hateten ba Agência TATOLI, via telefónika, domingu ne’e.

Tuir líder komunitáriu ne’e, reklamante balun ne’ebé mak seidauk simu, hosi aldeia zero um (01) to’o zero cinco (05) suku Caicoli.

“Husu atu hakbesik ba fatin simu produtu hodi konfirma naran nune’e bele simu. Ita hein komunidade hosi 01 to’o 05 iha fatin simu Cesta Bázika iha Mandarin laiha ema ida mak mosu, entaun Cesta Bázika sei fila ba Governu no oferese fali fatin seluk ne’ebé seidauk simu,” nia dehan.

Fornesedór Cesta Bázika ba suku Caicoli distribui produtu hanesan foos, mina, naan-manu, batar, forekeli, sabaun, rinso no seluk tan.

Jornalista: Osória Marques

Editora: Julia Chatarina 

iklan
iklan

Leave a Reply

iklan
error: Content is protected !!