iklan

INTERNASIONÁL, COVID-19, HEADLINE, SAÚDE

Ramos Horta husu Governu estuda didi’ak molok simu vasina Sinovac

Ramos Horta husu Governu estuda didi’ak molok simu vasina Sinovac

Eis Prezidente Repúblika, José Ramos Horta. Imajen TATOLI/Egas Cristóvão

DILI, 27 abríl 2021 (TATOLI)–Eis Prezidente Repúblika, José Ramos Horta, husu ba Governu atu estuda didi’ak molok simu vasina ho tipu Sinovac hosi Xina.

“Ha’u rona Xina sei oferese vasina Sinovac dozes 100.000, maibé sistema COVAX ne’ebé lideradu hosi Organizasaun Mundiál Saúde (OMS) mak hili vasina AstraZeneca ba Timor-Leste no rai lubuk ida. Sé autoridade xineza hakarak oferese tenke haree no estuda didi’ak ninia efikásia no ninia vantajen protesaun, labele haree kustu,” Ramos Horta dehan hafoin ramata reuniaun ho Primeiru-Ministru, Taur Matan Ruak, iha Rezidénsia Farol, tersa ne’e.

Notísia relevante: Governu Xina konkorda apoia vasina Sinovac dozes 100.000 ba Timor-Leste

Maski nune’e, nia parte nafatin agradese tanba Xina iha hanoin di’ak atu ajuda Timor-Leste.

“Ha’u la akompaña Xina maibé akompaña de’it maka Amérika no Europa, tanba sira iha esperiénsia klean tebes no rigór. Maibé bainhira Governu Xina iha konfiansa ba vasina Sinovac, entaun vasina ne’e bele fó ba sira-nia sidadaun tanba agora xineza sira iha Timór mós barak,” nia akresenta.

Aleinde ne’e, Governu Xina mós hateten vasina Sinovac ne’e fó rezerva ba komunidade xineza.

“Karik fó ba sira tanba Governu Xina iha konfiansa ba sira-nia vasina no sira-nia traballadór iha ne’e barak maibé ha’u nia konsellu mak Timór konsentra ba AstraZeneca,” Horta sujere.

Nia konsidera, vasina AstraZeneca seguru tanba nasaun Europa, nune’e nia parte husu Governu kontinua kolabora ho Organizasaun Nasaun Unida, OMS no sistema COVAX.

Jornalista: Antónia Gusmão

Editora: Julia Chatarina

iklan
iklan

Leave a Reply

iklan
error: Content is protected !!