DILI, 29 abríl 2021 (TATOLI) – Prezidente Instituisaun Politéknika Kay Rala Xanana Gusmão, Betano, Acasio Cardoso hateten, ezekusaun orsamentu primeiru semestrál (janeiru–marsu 2021) foin mak atinje 10,35% tanba IPB seidauk ezekuta ninia planu atu loke konkursu públiku ba projetu lubuk ida.
“Ami nia ezekusaun orsamentu ba fulan tolu nian ki’ik loos tanba ami labele realiza planu konkursu públiku ba servisu lubuk ida,” Acasio Cardoso informa ba Agência Tatoli via telefónika, kinta ne’e.
Nia afirma maske primeiru semestrál ne’e sira hasoru ona difikuldade, maibe nia fiar katak segundu semestrál abríl-juñu nian sira sei esforsu par abele selu tiha fallansu sira ne’e. Nia dehan orsamentu ba IPB fahe ba item rua maka saláriu vensimentu no bens servisu.
Tuir nia katak iha IPB-KRXG foin mak eziste kursu rua mak hanesan konstrusaun sivíl ho produsaun animál. Hosi kursu rua ne’e rejista estudante hamutuk 419 kompostu hosi konstrusaun sivíl estudante na’in 191 no produsaun animál na’in 228.
Jornalista : Tomé Amado
Editór : Francisco Simões
