DILI, 11 maiu 2021 (TATOLI)—Ministru Defeza, Filomeno de Jesus Paixão, tersa ne’e informa ba Prezidente Repúblika, Francisco Guterres Lú Olo kona-ba kooperasaun defeza entre Timor-Leste ho Austrália no halo akordu ne’ebé trata kona-ba atu (sei) halo patrullamentu konjuntu iha Kosta Súl.
Notísia Relevante: Patrullamentu Marítima Presiza Lejizlasaun
“Ohin, inform aba Prezidente Repúblika kona-ba kooperasaun ne’ebé ita iha ho Austália iha área Defeza nian mak kona-ba ró patrulla Guardian ne’ebé ita simu iha fulan outubru 2023 nia rohan. Ohin ko’alia mós kona-ba kooperasaun ne’ebé ita hala’o no akordu ne’ebé ita trata hela kona-ba halo nusá ita sei halo patrullamentu konjuntu iha Kosta Súl,” Filomeno de Jesus Paixão hateten ba jornalista sira hafoin enkonttu ho Prezidente Repúblika, iha rezidénsia Faról, Dili.
Aleinde ne’e, Ministru Defeza ne’e informa katak Timor-Leste halo kooperasaun hamutuk ho Governu Austrália hodi hamatan mós ba Postu Hera, tanba Portu Hera fahe ba zona tolu ABC no zona B mak Governu australia atu fó apoiu ba ita.
“Kona-ba infraestruktura atu halo konstrusaun portu remata maizumenus iha 2023 nia rohan mak sei simu ró patrullamentu,” nia hateten.
Notísia Relevante: TL-Austrália iha Faze Diskusaun ba Patrullamentu Konjunta Kosta Súl
Iha enkontru ne’e, Filomeno de Jesus Paixão hateten, Prezidente Repúblika Francisco Guterres Lú Olo konkorda ho kooperasaun ne’ebé mak Timor-Leste halo ho país barak liu-liu no país viziñu hanesan Indonézia no mós Austrália.
“Prezidente husu para ita hala’o servisu ho sira ho didiák para ita-nia relasaun ho país viziñu sira-ne’e bele metin no ba oin bele la’o ho di’ak,” nia dehan.
Iha biban hanesan, Ministru Defeza ne’e haktuir mós kona-ba rekrutamentu FALINTIL-Forsa Defeza Timor-Leste (F-FDTL) ne’ebé tuir planu sei realiza iha fulan agostu tinan ne’e.
Notísia Relevante: Austrália Seidauk Konstrui Ró Patrullamentu Rua Ba TL
Rekrutamentu F-FDTL sei realiza iha fulan-agostu
Jornalista: Osória Marques
Editór: Cancio Ximenes
