LIQUIÇA, 18 maiu 2021 (TATOLI) – Responsavel ba servisu defisiente Klibur Domin, Tibar, Carlos Cardoso, informa hosi 2020 to’o mai agora sira tulun ona defisiente iha Liquiça hamutuk na’in-20.
“Durante ami servisu iha Klibur Domin ne’e iha programa rua; ba moras tuberkulozu no ema ho defisiente, maibé ami haree liubá defisiente no dadus hosi tinan kotuk to’o agora ami halo tratamentu no tulun ema ho defisiente hamutuk na’in-20,” Carlos Cardoso hateten ba Agência Tatoli iha Tibar, tersa ne’e.
Nia dehan, ajudu ne’ebé sira fó ba ema ho defisiente-sira mak hanesan kadeira-roda, halo tratamentu bainhira moras no tulun bee moos ba ema ho defisiente-sira no seluk tan.
“Foin lalais ne’e sidadaun ida iha Suku Maumeta, Postu Administrativu Bazartete Munisípiu Liquiça moris ho defisiente, ami tulun ona bee-moos ba nia,” Carlos Cardoso hateten.
Jornalista : Hortencio Sanchez
Editór : Francisco Simões
