DILI, 26 maiu 2021 (TATOLI)–Diresaun Nasionál Metrólojia no Jeofízika (DNMG, sigla Portugés) no Timor-Leste Meteoclima (TLMC) Sessão de Previsão do Tempo iha Ministériu Transporte no Komunikasaun (MTK), husu ba públiku atu labele pániku ba fenómenu astronómiku ne’ebé sei akontese iha kalan ne’e.
“La prezia pániku tamba fenómenu refere nudar fenómenu naturál ida,” refere nota ne’ebé Agência TATOLI asesu, kuarta ne’e.
Tuir nota ne’e, fenómenu astronómiku ne’e mosu bainhira planeta terra (rai) pasa entre loron matan no fulan nia klaran.
“Orsida kalan iha Timor-Leste, ita sei experimenta fenómenu astronómiku ida hanaran Eclipse Lunar totál, signifika katak fulan sei mate iha minutu balun nia laran, ne’ebé sei aprezenta kor mean totál,” esplika nota.
Konsekuentemente fulan sei haksumik-an iha mundu nia lalatak hodi hamosu fenómenu astronómiku.
Jornalista: Florêncio Miranda Ximenes
Editora: Julia Chatarina
