iklan

EKONOMIA, HEADLINE

Voo Citilink destinasaun Xina-Dili transporta pasajeiru na’in-90

Voo Citilink destinasaun Xina-Dili transporta pasajeiru na’in-90

Aviaun Citilink to’o iha Aeroportu Comoro, sesta (28/05). Imajen/Natalino Costa

DILI, 28 maiu 2021 (TATOLI)–Voo Aviaun Citilink ho destinasaun Xina mai Dili, to’o iha Aeroportu Internasionál Prezidente Nicolau Lobato, Comoro tuku 12:03.

“Ohin, Citilink halo voo hosi Xina mai Dili tula pasajeiru hamutuk 90 maioria xineza,” Diretór Aviaun Citilink iha Timor-Leste, Fernando da Silva, informa iha Aeroportu Comoro, sesta ne’e.

Nia esplika, pasajeiru sira ne’e kompostu hosi traballadór ne’ebé halo servisu iha kompañia China Harbour, ne’ebé envolve iha projetu Portu Tibar, tékniku sentrál eletrika Hera, balun funsionáriu iha Embaixada Xina iha Timor-Leste no balun hanesan traballadór iha área infraestrutura.

Aviaun ne’e charter hosi Embaixada Xina iha Timor-Leste ho koordenasaun Sala Situasaun, Sentru Integradu Jestaun Krize (CIGC, sigla portugés).

Tuir observasaun Agência TATOLI iha terrenu, hafoin hatun pasajeiru iha Aeroportu Comoro, aviaun ne’e arranka filafali sein tula pasajeiru ruma.

Jornalista: Natalino Costa  

Editora: Julia Chatarina

iklan
iklan

Leave a Reply

iklan
error: Content is protected !!