DILI, 04 juñu 2021(TATOLI)–Aviaun Air Asia hosi Malázia lori pasajeiru hamutuk 128, to’o iha Aeroportu Internasionál Prezidente Nicolau Lobato, Comoro, Dili, iha tuku 12:50.
Tuir dadus hosi Autoridade Aviasaun Sivíl Timor-Leste (AACTL, sigla portugés), pasajeiru sira kompostu hosi ema estranjeiru 57 no timor-oan hamutuk 71.
Pasajeiru sira balun hanesan estudante timor-oan ne’ebé halo estudu iha rai-li’ur, balun serbisu iha Inglaterra no Irlanda inklui traballadór estranjeiru sira ne’ebé kaer obra infraestrutura iha Timor-Leste.
Hafoin hatun pasajeiru sira, traballadór timor-oan hamutuk 65 sa’e ba aviaun hodi arranka ba Korea Súl tuku 14:30 iha loron hanesan.
Jornalista: Natalino Costa
Editora: Julia Chatarina
