COVALIMA, 07 juñu 2021 (TATOLI)-Idózus hamutuk 6.067 iha Munisípiu Covalima sai benefisiáriu ba subsídiu Governu iha 2020.
Notísia Relevante : Feto okupa kargu xefia iha Covalima sei menus
Pontu vokál Munisípiu Covalima, Ildefonso da Costa Amáral, informa hosi númeru benefisiáriu idózus hirak-ne’e simu ona subsídiu terseira idade ho total orsamentu $1.100.340.
Ildefonso esplika, osan $ 1.100.340 fahe ba benefisiáriu iha Postu Administrativu Suai Vila ho total benefisiáriu 1.649 ho orsamentu $297.720, Postu Fatumea ho benefisiáriu 471 ($85.500), Postu Fohorem ho benefisiáriu 525 ($95.220), Postu Tilomar ho benefisiáriu 717 ho ($129.420), Postu Fatululik ho benefisiáriu 220 ($39,780), Postu Maukatar ho benefisiáriu 909 ($164,160), Postu Zumalai ho benefisiáriu 1576 no orsamentu $288.540.
“Dadus tinan 2020 nian ba faze segundu, idózus ne’ebé benefisia ba osan Governu, ami bolu lista arkivadu benefisia ne’ebé óbito no balun hetan ona pensaun hosi veteranu,” Ildefonso da Costa, informa ba Agência Tatoli iha Covalima, segunda ne’e.
Pontu vokál ne’e relata , durante halo pagamentu ba parte hosi Ministériu Solidariedade Sosiál no Inkluzaun (MSSI) akompaña funsionáriu hosi Banku Nasionál Komérsiu Timor-Leste (BNCTL) maka halo pagamentu.
Jornalista : Celestina Teles
Editór : Francisco Simões