COVALIMA, 07 juñu (TATOLI), Organizasaun Raes Hadomi Timor-Oan (RHTO), segunda ne’e, hala’o sensibilizasaun kona-bá direitu ema ho defisiénsia-sira nian ba autoridade lokál nivel Munisípiu Covalima.
Notísia Relevante : RHTO Husu Governu Ratifika Konvensaun Direitu Ema Ho Defisiénsia
Atividade sensibilizasaun ne’ebé konsentra iha Sede Suku Debos, Covalima ne’e, pontu vokál RHTO, Honorio Gusmão, esklarese katak, sensibilizasaun ne’e atu hasa’e koñesimentu autoridade lokál-sira nian kona-bá direitu ema ho defisiénsia nian, nune’e baihira halo karik konstrusaun infraestrutura hanesan eskola ka sede suku tenke konsidera mós ramba ka espasu oinsá fasilita ema ho defisiénsia-sira bele asesu.
Tuir dadus hosi RHTO iha Munisípiu Covalima rejista ema ho defisiénsia iha hamutuk 304.
Jornalista : Celestina Teles
Editór : Francisco Simões
