COVALIMA, 10 juñu 2021 (TATOLI)-Administradór Munisípiu Covalima, Francisco de Andre, hamutuk ho autoridade polísia Covalima, Ministériu Saúde, kinta ne’e, fó sai ona a avizu ba populasaun hotu hodi reativa selebrasaun misa no atividade merkadoria.
Notísia Relevante : Populasaun Covalima prontu simu vasina AstraZeneca
“Ohin, ha’u ho Polísia no MS fó ona sai avizu ba komunidade tomak, ita-nia atividade merkadu tradisionál no misa bele reativa fali,” Administradór Munisípiu Covalima, Francisco de Andrade informa.
Francisco hateten, reativa atividade merkadu tradisionál no selebrasaun misa, maibé tenke kumpre nafatin protokolu saúde públiku kona-bá prevensaun COVID-19.
“Ema hotu ne’ebé ba merkadu no ba misa tenke uza máskara, fae-liman ho sabaun ka uza handsantizer no garante distánsia fíziku,” Francisco de Andrade afirma.
Jornalista : Celestina Teles
Editór : Francisco Simões
