COVALIMA, 10 juñu 2021 (TATOLI)-Administradór Munisípiu Covalima, Francisco de Andrade, simu ona lista hosi parte saúde kona-ba populasaun 1.977 ne’ebé prontu ona atu simu vasina AstraZeneca.
Notísia Relevante : MS lansa vasina AstraZeneca doze daruak
“Kona-bá vasina, ema hotu prontu atu simu,” Administradór Francisco de Andrade, hateten ba Agência Tatoli iha Covalima, kinta ne’e. Nia hatutan, antes ne’e, autoridade lokál hosi munisípiu to’o iha postu administrativu ho nia estrutura simu ona vasina doze dahuluk no fiar katak hirak ne’ebé seidauk simu vasina bele simu ona iha tempu badak.
Tuir dadus enumerasaun ne’ebé amistadór simu hosi parte saúde kona-ba abitante-sira atu simu vasina idade 60 ba-leten hosi Postu Administrativu Fatululik na’in-243, Postu Administrativu Fatumea (392), Postu Administrativu Fohorem (551), Postu Administrativu Maucatar (635), Postu Administrativu Suai Vila (1.236), Postu Administrativu Tilomar (847) ho Postu Administrativu Zumalai na’in-1.083
Francisco informa, populasaun ne’ebé simu vasina ho Idade 18-59 hosi postu administrativu hitu (7) iha Munisípiu Covalima hamutuk 5.990, ho númeru ne’e; mene 3.061 no feto 292.
Jornalista : Celestina Teles
Editor : Francisco Simões
