COVALIMA, 11 juñu 2021 (TATOLI) – Sekretáriu Administrasaun Munisípiu Covalima, Afonso Nugueira Nahak, husu ba xefe suku ho xefe aldeia-sira iha Covalima atu koordena ho Institutu Jestaun Ekipamentu, Intitutu Públiku (IGE.IP) atu bele loke estada foun ba bairru no suku-sira.
Notísia Relevante : Presu nesesidade bázika iha Covalima normál
Durante ne’e iha Covalima, IGE.IP loke ona estrada públiku ba iha Suku Dato Tolu to’o iha Postu Administrativu Fatululik no kontinua loke estrada hosi Aldeia Maukola sai ba Aldeia Tobur.
“Atu rezolve problema estrada, ita tenke servisu IGE, ita nia maneira mak Xefe Suku sira tenke halo proposta ba prezidente IGE.IP iha nasionál, nune’e bele hato’o informasaun IGE iha Covalima atu bele ajuda loke estrada hosi estrada públiku ba iha aldeia,” Afonso Nugueira Nahak, haktuir ba Agência Tatoli iha Covalima, sesta ne’e.
Administradór Postu Administrativu Fohorem hamutuk ho xefe suku mós hato’o proposta ba IGE.IP atu loke dalan ba Aldeia Loro Kida.
Jornalista : Celestina Teles
Editór : Francisco Simões
