COVALIMA, 16 juñu 2021 (TATOLI) – Eskola Sekundáriu Jerál (ESJ) Suai, Munisípiu Covalima, kuarta ne’e, hahú hikas sira-nia ensinu aprendizajen prejensiál. Maske nune’e, kontinua aplika medida prevensaun COVID-19, hanesan fase-liman beibeik ho sabaun, uza máskara ka dezinfetante no garante distánsia fíziku.
Notísia Relevante : Covalima reativa misa no merkadu
“Númeru estudante iha eskola sekundáriu jerál ne’e hamutuk 2.175. Ne’e númeru ida barak tebes tnba ne’e ami tenke fahe ba turnu loraik ho dadeer,” diretór Eskola Sekundáriu Jerál (ESJ) Suai, Francelino Freitas Carvalho, informa ba Agência Tatoli iha Covalima, kuarta ne’e
“Difikuldade ba profesór-sira ho sistema fahe grupu halo matéria la’o tarde tanba matéria tópiku ida, profesór-sira repete semana rua. Totál profesór iha ESJ Suai na’in- 85 ,” nia hateten.
Jornalista : Celestina Teles
Editór : Francisco Simões
