CPNTL sei halo levantamentu dadus ba federasaun
DILI, 22 juñu 2021 (TATOLI) – Prezidente Komité Paralímpiku Nasionál Timor-Leste (CPNTL-sigla Portugés), Isabel da Costa Fereira, informa tempu besik sira-nia parte sei halo levantamentu dadus ba federasaun hotu ne’ebé hamahan-an iha CPNTL hodi hatene loloos kona-ba situasaun federasaun nian.
Notísia Relevante : SEJD entrega karreta ida ba CPNTL
Ba Agência Tatoli iha jináziu Dili, tersa ne’e, Isabel da Costa Fereira, hateten CPNTL mós iha ona hanoin atu halo rekrutamentu ba atleta sira hosi federasaun hotu ne’ebé hamahan-an iha CPNTL nia okos.
Federasaun hamutuk 10 mak iha CPNTL nia mahan mak hanesan, Atletizmu, Badmintong, Natasaun, Tenis Meza no seluk tan.
Isabel da Costa Fereira, husu ba atleta defisiente hotu atu hakbesik-an ba sentru vasina hodi simu vasina, nune’e bele livre hala’o atividade liu-liu pratika desportu tuir ida-idak nia modalidade.
Jornalista : Hortencio Sanchez
Editór : Francisco Simões
