DILI, 23 juñu 2021 (TATOLI) – Kargu xefia-sira iha Ministériu Ensinu Superiór, Siénsia no Kultura (MESSK) simu orientasaun Ministru Longuinhos dos Santos nian hodi aprezenta sira-nia rikusoin ba Komisaun Anti-Korrupsaun (CAC, sigla portugés).
Notísia Relevante : Deklara riku-soin, CAC simu ona lista hosi instituisaun hitu
Ministru Ensinu Superiór Siénsia no Kultura (MESSK), Longuinhos dos Santos, informa ba jornalista, kuarta ne’e, iha Palásiu Governu, katak kargu xefia ida-idak iha MESSK kumpre ona orientasaun hodi prienxe formuláriu aprezentasaun rikusoin ne’ebé CAC distribui ba instituisaun Estadu hotu.
“Bainhira CAC haruka formuláriu deklarasaun rikusoin ne’e ba MESSK, ha’u orienta sira relata rikusoin ba CAC tuir lei haruka,” Ministru Longuinhos dos Santos tenik.
Jornalista : Tomé Amado
Editór : Francisco Simões
