BAUCAU, 25 juñu 2021 (TATOLI)—Responsável Imunizasaun iha munisípiu Baucau, Artemísia Guterres, hateten, daudaun ne’e iha ona abitante hamutuk 10.449 mak simu ona vasina AstraZeneca iha Baucau.
“Doze dahuluk no daruak hamutuk 10.449, ne’ebé munisípiu Baucau tomak simu ona vasina,” Responsável Imunizasaun, informa iha sede suku Buruma, sesta ne’e.
Notísia relevante: Lansa vasina doze daruak, PAM Baucau enkoraja hatutan informasaun
Kampaña vasinasaun iha munisípiu Baucau hahú lansa iha loron 14 jullu to’o ohin loron, ne’ebé vasina ona abitante ho kondisaun normál inklui idozu no invalidez iha doze dahuluk hamutuk 8.691.
Enkuantu, ba liña frente no sira ne’ebé kompleta doze daruak hamutuk ema na’in-1.658.
Tuir dadus, komunidade idozu no invalidez hamutuk 21.385 mak sei simu vasina.
Tuir meta hosi Saúde Munisipál sei fó vasinasaun ba ema hamutuk 30.406, hosi totál doze 13.220.
Jornalista : Natalino Belo
Editora : Julia Chatarina
