COVALIMA , 25 juñu 2021 (TATOLI)—Idózus ho invalidés hamutuk na’in-6.066 iha Munisípiu Covalima, hahú simu sira-nia pensaun hosi Governu liuhosi Banku Nasionál Timor Leste (BNCTL) Sukursál Covalima.
Notísia Relevante : 2020, Númeru Idózus ho Invalidéz Aumenta
Governu liuhosi Ministériu Solidariedade, Sosiál no Inkluzaun (MSSI) haruka ona orsamentu ho montante $1.091.880,00 ba BNCTL Covalima hodi transfere ba idózus no invalidés ida-idak nia konta bankária hodi sira bele asesu ona sira-nia direitu ne’e.
“Ami komesa halo pagamentu iha Suku Beko no horiseik iha Labarai, ohin, iha Suku Suai Loro, ne’ebé ami foin maka selu ema 400-resin, kompostu iha Suku Beko na’in-200-resin no Suku Labarai mós na’in-200-resin,” Jerente BNCTL Sukursál Covalima, Manuel Calisto Ximenes informa ba jornalista iha Suai Loro, sesta ne’e.
Jornalista : Celestina Teles
Editór : Francisco Simões
