PSMC distribui nesesidade báziku ba vítima dezastre naturál

COVALIMA, 30 juñu 2021 (TATOLI) –Protesaun Sivíl Munisípiu Covalima (PSMC) distribui nesesidade báziku ba vítima dezastre naturál ba uma-kain tolu (3) iha Postu Administrativu Zumalai.

“Sasán ne’ebé mak ami ekipa Protesaun Sivíl Minisípiu Covalima distribui ba vítima-sira hanesan foos, mina-bimoli, supermi ho mós fasilidade dapur nian,” koordenadór Protesaun Sivíl Munisípiu Covalima, Dinis Pereira, informa ba Agência Tatoli iha Covalima, kuarta ne’e.

Durante ne’e Protesaun Sivíl apoiu ba vítima dezastre naturál hanesan anin sobu uma, ahi han uma, inundasaun no rai-halai iha postu administrativu sira iha Munisípiu Covalima.

Jornalista       : Celestina Teles 

Editór             : Francisco Simões