PNTL Covalima estabelese KPK iha suku 16
COVALIMA, 01 jullu 2021 (TATOLI) – Komandu Polísia Nasional Timor-Leste (PNTL) Munisípiu Covalima, estabelese ona konsellu polisiamentu komunitária (KPK) iha suku 16 iha Covalima.
Notísia Relevante : PNTL Covalima apela ba komunidade labele tesi ai-kameli
“Iha tinan hirak liubá estabelese ona KPK iha suku 16 no falta suku 10 atu kompleta iha suku 30 iha Munisípiu Covalima,” Segundu Komandante PNTL Munisípiu Covalima, Albino Mouzinho informa ba jornalista iha Covalima, kinta ne’e.
Maske foin estabelese KPK iha suku 16, maibé PNTL esforsu atu kompleta estrutura KPK atu bele kombate krime iha territóriu nasionál.
Tuir planu estratéjika PNTL sei fó treinamentu b estrutura KPK no konsellu suku hodi hasa’e sira nia koñesimentu ba atende konflitu ka rezolusaun konflitu.
Jornalista : Celestina Teles
Editór : Francisco Simões
