Jullu-agostu, MSSI sei hahú pagamentu Bolsa da Mãe
COVALIMA, 02 jullu 2021 (TATOLI) – Iha jullu to’o agostu, tinan ne’e, Ministériu Solidariedade Sosiál no Inkluzaun (MSSI) sei halo pagamentu subsídiu Bolsa da Mãe ba benefisiáriu sira.
Notísia Relevante : Idózus-invalidés 6.066 iha Covalima hahú simu pensaun
Diretór MSSI Munisípiu Covalima, Agapito Asis, sesta ne’e ba jornalista-sira informa MSSI sei halo prosesu re-ajustamentu no kada benefisiáriu kada fulan sei simu $5.00 no nia pagamentu kada tinan. Nune’e kada benefisiáriu sei hetan subsídiu $60.00 kada tinan.
“Ha’u hanoin dadus ne’e ita sei hein rezultadu re-ajustamentu hosi MSSI periodu 2020- 2021,” Agapito Asis hateten.
Dadus benefisiáriu Bolsa da Mãe Munisípiu Covalima iha 2020 hamutuk 4.0005, kompostu hosi feto 3.792 no mane 213.
Jornalista : Celestina Teles
Editór : Francisco Simões
