Protesaun Sivíl sei distribui materiál konstrusaun ba vítima dezastre naturál
COVALIMA, 02 jullu 2021 (TATOLI) –Protesaun Sivíl Covalima (PSC), iha loron 6-8 jullu ne’e, sei distribui materiál konstrusaun ba vítima dezastre naturál.
Notísia Relevante : Uma kain 62 iha Covalima afetadu ba dezastre naturál
Vítima dezastre naturál ne’ebe identifikadu atu simu apoiu materiál sira ne’e mai hosi Postu Administrativu Zumalai iha uma kain-tolu (3), Suai vila, uma-kain haat (4), Maucatar (uma-kain ida), Tilomar (uma-kain ida), Fatumea (uma-kain ida) no Fohorem iha uma-kain lima (5).
“Durante ne’e ami atende ona tipu dezastre naturál hanesan inundasaun, anin sobu uma, ahi han uma no rai halai tanba ne’e ami kontinua distribui material konstrusaun ba vítima sira,” koordenadór Protesaun Sivíl no Jestaun Dezastre Naturál Covalima, Dinis Pereira informa ba Agência Tatoli iha Covalima, sesta ne’e.
Protesaun Sivíl Covalima distribui ona ai-han ho non ai-han ba uma kain 228 iha Munisípiu Covalima ho totál orsamentu $5.236
Jornalista : Celestina Teles
Editór : Francisco Simões
