COVALIMA, 04 jullu 2021 (TATOLI)—Diretór Sekretáriadu Tékniku Administrasaun Estatál (STAE) Munisípiu Covalima, Claudio Cardoso, informa hosi fulan-janeiru to’o fulan-juñu ne’e STAE Covalima rejista eleitór foun hamutuk 850
Notísia Relevante: STAE Covalima hala’o lansamentu REAB
“Iha fulan-janeiru no to’o fulan-juñu ne’e, STAE Covalima atende no rejistu sidadaun sira ho idade 16 ne’ebé halo kartaun eleitorál foun ne’e hamutuk 850,” Claudio Cardoso informa ba Agência Tatoli, liuhosi telefónika, domingu ne’e.
STAE halo atendimentu ba rejistu eleitór foun sira-ne’e hahú hosi fulan-janeiru to’o de’it iha fulan-juñu, tanba hosi fulan-maiu mai leten ne’e Governu Timor-Leste implementa ona serka sanitaria iha Covalima.
Tuir dadus hosi STAE rejista eleitór foun hamutuk 850 ne’e, kompostu hosi mane 426 no feto 424, ho nune’e dadus provizóriu eleitór sira iha Minisípiu Covalima hamutuk 50.395.
Jornalista : Celestina Teles
Editór : Cancio Ximenes
