COVALIMA, 06 jullu 2021 (TATOLI)-Servisu Obras Públika (MOP) Munisípiu Covalima sei halo verifikasaun dokumentu ba kompañia-sira atu reabilita estrada rurál (ER).
“Kompañia sira submete ona sira nia dokumentu iha loron 30 juñu, tinan ne’e, ami simu ona, ne’ebé akompaña hosi Diresaun Nasionál Aprovizionamentu (DNA),” Diretór Servisu Munisipál Obras Públika, Alberto Cardoso, ba Tatoli iha Administrasaun Munisípiu Covalima, tersa ne’e.
Alberto klarifika atu halo reabilitasaun estrada rurál ne’e fahe ba pakote rua; ida hosi Suai Vila parte Lokeu to’o Mota Tafara no kompañia 13 submete ona dokumentu, seluk estrada hosi Suku Dato ba Postu Administrativu Fatululik ne’ebé kompañia 10-resin submete ona dokumentu.
Iha tinan ne’e, orsamentu ba MOP hamutuk $240,673,539, ne’ebé foku ba dezenvolvimentu, konstrusaun, reabilitasaun, manutensaun no jestaun estrada, ponte inklui kontrolu cheia (valeta) ho montante $25,159,778, ne’ebé ekivalente 10,5% hosi totál Orsamentu Jerál Estadu.
Jornalista : Celestina Teles
Editór : Francisco Simões
