iklan

INTERNASIONÁL, COVID-19, HEADLINE, SAÚDE

Timor-Leste simu ona vasina hamutuk 359.800 hosi parseiru

Timor-Leste simu ona vasina hamutuk 359.800 hosi parseiru

Pesoál saúde prepara hela vasina kontra COVID-19, tersa (29/06). Imajen TATOLI/Francisco Sony

DILI, 07 jullu 2021 (TATOLI)—Governu liuhosi reuniaun Konsellu Ministru (KM) iha kuarta ne’e, rona aprezentasaun ida hosi Vise Primeiru-Ministra no Ministra Solidaridade Sosiál no Inkluzaun (MSSI), Armanda Berta dos Santos no Ministra Saúde, Odete Maria Freitas Belo, ne’ebé nu’udar responsável Komisaun Interministeriál ba Elaborasaun no Koordenasaun Ezekusaun Planu Vasinasaun kontra COVID-19.

“Aprezenta kona-ba pontu situasaun implementasaun kampaña vasinasaun, ne’ebé to’o loron 06 juñu simu ona vasina ho totál doze 359.800, ne’ebé 243.949 maka utiliza ona,” Ministru Prezidénsia Konsellu Ministru, Fidelis Manuel Leite Magalhães, hateten, hafoin reuniaun ezekutivu, iha Palásiu Governu, kuarta ne’e.

Liuhosi mekanizmu COVAX Facility, kontribui ona doze 124.800 vasina AstraZaneca, ne’ebé oferese hosi Austrália hamutuk 135.000 no liuhosi doasaun Xina mai tan doze 100.000 vasina Sinovac.

Hosi doze 243.949 ne’ebé fó iha nível nasionál, vasina ona AstraZaneca hamutuk 224.155 no Sinovac 19.797.

Iha nível nasionál ema hamutuk 217.677 ka 28,7% maka simu ona doze dahuluk no ema 26.272 ka 3,5% maka kompleta ona vasinasaun (doze daruak).

Iha munisípiu Dili, fó ona vasina doze dahuluk kontra COVID-19 ba ema hamutuk 115.737 ka 54,1% no ema hamutuk 14.418 maka simu ona doze rua ka 6,74%.

Jornalista : Antónia Gusmão

Editora     : Julia Chatarina

iklan
iklan

Leave a Reply

iklan
error: Content is protected !!