DILI, 08 jullu 2021 (TATOLI)-Administradór Munisípiu Manufahi, Arantes Isaac Sarmento, kuarta (07/07), fó apoiu umanitária ba abitante kbiit-laek iha Suku Grotu, Postu Administrativu Same, Munisípiu Manufahi.
Atividade karitativu ne’e akompaña hosi Diretór Solidariedade Sosiál no Inkluzaun Munisípiu Manufahi nian ho objetivu haree diretamente kondisaun situasaun ne’ebé komunidade enfrenta iha sira-nia moris loron-loron.
“Atividade fó apoiu umanitária ba komunidade ne’e la’ós foin halo, maibé kada tinan ha’u sempre halo, ho objetivu oinsá ita hakbesik an ba komunidade, fó korajen ba sira katak situasaun ne’ebé sira hasoru la mesak, maibé hamutuk ho Estadu no Governu,” Arantes Isaac Sarmento haktuir ba Agência Tatoli liuhosi telefónika, kinta ne’e.
Apoiu umanitária ne’ebé parte administrasaun fó komunidade mak hanesan foos, no ema ne’ebé simu apoiu umanitária ne’e hamutuk ema na’in-120.
Jornalista : Arminda Fonseca
Editór : Francisco Simões
