VIQUEQUE, 08 jullu 2021 (TATOLI)—Hahú hosi janeiru to’o juñu, Polísia Nasionál Timor Leste (PNTL), seksaun Tránzitu Rodoviáriu munisípiu Viqueque, rekolla $1.000-resin ba kofre Estadu.
“Durante fulan neen inklui periúdu Estadu emerjénsia, Polísia Tránzitu Viqueque rekolla $1.000 ba kofere Estadu,” Xefe Tránzitu Rodoviáriu Munisípiu Viqueque, Inspetór Asistente Polísia, Venceslão Morais, hateten ba jornalista Agência Tatoli, iha komandu munisípiu Viqueque, kuarta ne’e.
Notísia relevante:EDTL,E.P Viqueque presija transporte
Montante osan ne’e rekolla hosi atividade pasa revista no iha infrasaun barak hosi motorista-sira hodi ba selu diretamente iha Banku.
Alende ne’e durante periúdu surtu COVID-19 movimentu rodoviáriu la’o normál no la rejista asidente ruma, tanba Polísia Tránzitu kontrola makaas movimentu populasaun.
Venceslão Morais alerta ba motorista-sira hodi kopera nafatin ho parte PNTL atu labele kontra kódigu estrada no motorista-sira tenke uza kapasete bainhira hala’o viajen.
Jornalista: Vitorino Lopes da Costa
Editór: Cipriano Colo
