iklan

MANUFAHI, MUNISÍPIU

79% populasaun Manufahi asesu bee-moos ho sufisiente

79% populasaun Manufahi asesu bee-moos ho sufisiente

Imajen/BTL,E.P

DILI, 13 jullu 2021 (TATOLI)-Xefe Departamentu Bee Timor-Leste, Empreza Públiku (BTL,E.P) Munisípiu Manufahi, Domingos Soares, informa 79% populasaun iha Manufahi asesu ona  bee-moos ho sufisiente.

Notísia Relevante : 74% populasaun Lautem asesu ona bee-moos

“Ita-nia komunidade ne’ebé asesu ona bá bee-moos ho sufisiente hamutuk 79%, no seidauk asesu ho bee-moos ho sufisiente ne’e hamutuk 21%,” Domingos Soares ba Agência Tatoli liuhosi telefónika, tersa ne’e.

Nia afirma, komunidade hosi 21% ne’ebé seidauk bele asesu ba bee-moos ho sufisiente ne’e tanba sira-nia hela fatin iha foho leten no bee-matan iha fali foho okos entaun bee ne’ebé atu dada bá komunidade volume la to’o.

Nia hatutan, Munisípiu Manufahi iha Postu Administrativu haat, hosi postu Administrativu haat ne’e ida ne’ebé konsumu ho bee-moos ho sufisiente ne’e hosi Postu Administrativu Alas ho Same, tuir Fatuberliu no ikus Turicai. Maibé Munisípiu Manufahi iha ona planu bá 2022 atu iha orsamentu bá kanalizasaun bee-moos bá komunidade hotu.

Jornalista       : Arminda Fonseca

Editór             : Francisco Simões

 

iklan
iklan

Leave a Reply

iklan
error: Content is protected !!