COVALIMA, 13 jullu 2021 (TATOLI) – Diresaun Transporte Terrestre (DTT) Munisípiu Covalima, loke ona inskrisaun teste ba abitante sira ne’ebé tuir teste hodi hasai karta kondusaun foun.
“Ohin ami loke ona inskrisaun ba abitante sira ne’ebé tuir teste atu hasai karta kondusaun foun,” Diretór DTT Covalima, Juaquim Gusmão informa bá Agência Tatoli iha nia kna’ar fatin, Covalima, tersa ne’e.
DTT Covalima loke inskrisaun teste ba karta kondusaun foun bazeia ba orientasaun hosi Ministériu Transporte no Komunikasaun liuhosi Diresaun Nasionál Transporte no Terrestre (DNTT) iha loron 12 jullu ne’e.
Rekizitu bá hirak ne’ebé trata karta kondusaun hanesan, lori atestadu médiku, foto koloridu 3×4 tahan haat (4) ho osan $15.00 no loron inskrisaun sei remata iha loron 22 jullu ne’e
Jornalista : Celestina Teles
Editór : Francisco Simões
