iklan

AILEU, EKONOMIA, MUNISÍPIU

Organizasaun ABF ajuda defisiente ho LGBTI kuda-modo

Organizasaun ABF ajuda defisiente ho LGBTI kuda-modo

ABF iha Munisípiu Aileu ho inisiativa halibur ema ho defisiente no LGBTI kuda modo no ai-funan hodi fa’an. Imajen/Espesiál

DILI, 14 jullu 2021 (TATOLI)-Organizasaun Agrikultura Bukae bá Futuru (ABF) iha Munisípiu Aileu ho inisiativa halibur ema ho defisiente no Lesbians Gays Bisexuals Transsexuals Intersexual (LGBTI) kuda modo no ai-funan hodi fa’an.

Prodús adubu. Imajen/Espesiál

Jestór Programa ABF, Tonito Filipe Mendonça hateten, objetivu organizasaun ABF eziste hakarak ajuda ema ho defisiente no LGBI tanba dala barak sira-nia eziste ne’e komunidade, família no sosiedade kontinua halo diskriminasaun ba sira.

“Ami harii organizasaun ABF bolu sira ita tau hanoin no esperiénsia hamutuk si ba agrikultura nian entaun ami deside halo atividade ortikultura, ne’ebé kuda-modo no orti flowers,”  Tonito Filipe,  informa bá Agência Tatoli liuhosi telefónika, kuarta ne’e.

Molok atu kuda-modo no ai-funan sira mós prodús adubu tanba atu kuda ai-funan ka modo presiza rai-metan, tanba ne’e sira-nia grupu ne’e prodús adubu maran no been.

“Ami prodús ona adubu maran tonelada ida, no adubu been iha ona litru 250, no produsaun sira ne’e ami la fa’an tanba ami rasik uza kuda ai-funan no modo mak ami fa’an fila-fali,” nia dehan.

Organizasaun ABF eziste foin tinan ida, no bainhira sira eziste laiha apoiu finanseiru hosi organizasaun ruma, maibé sira rasik mak hasai osan kuda modo no ai-funan fa’an to’o agora.

Jornalista       : Arminda Fonseca

Editór             : Francisco Simões

iklan
iklan

Leave a Reply

iklan
error: Content is protected !!