iklan

MUNISÍPIU, SAÚDE, VIQUEQUE

Administradór Uatulari agradese ba prezensa médiku espesialista-sira

Administradór Uatulari agradese ba prezensa  médiku espesialista-sira

Ekipa médiku espesialiata-sira hala’o konsulta públika ba komunidade iha postu administrativu Uatulari, kinta (15/07/21). Imajen Tatoli/Vitorino Lopes da Costa.

VIQUEQUE, 16 jullu 2021 (TATOLI)—Adiministradór postu administrativu Uatulari, Tomas Soares da Silva, agradese ba ekipa médiku espesialiata-sira ne’ebé hala’o konsulta públika ba komunidade iha postu administrativu ne’e.

“Agradese ba doutór-sira ne’ebé fó ona tratamentu ba komunidade Uatulari, tanba durante pandemia COVID-19, labele asesu ba fasilidade saúde sira,” Tomas Soares da Silva, hateten ba jornalista Agência Tatoli, iha postu Uatulari, kinta ne’e.

Notísia relevante:Kobertura saúde iha Viqueque la’o di’ak

Iha oportunidade ne’e, nia propoin ba Governu atu bele kontinua programa ne’e, kada fulan tolu haruka ekipa médiku espesialista fó tratamentu ba kumunidade ne’ebé susar duni atu asesu ba Dili.

Iha fatin hanesan, Xefe Sentru Saúde Uatulari, Valente Soares da Silva, rekoñese katak,  durante ne’e sentru saúde Uatulari la hala’o tramentu ba kazu-sira hanesan moras fuan no matan, ne’ebé espesialista-sira fo ona tratamentu.

Espesialista-sira konsege hala’o tratamentu ba abitante hamutuk 1.000-resin ho moras oioin.

Hahú hosi janeiru to’o jullu 2021, Sentru Saúde Uatulari rejista kazu diareia 824, dentaria 145, kazu pneumonia 10.120 no Infesaun Respiratóriu Alta (IRA) 10.420 no totál hosi kazu hirak-ne’e hamutuk 15.000.

Jornalista: Vitorino Lopes da Costa

Editór: Cipriano Colo

iklan
iklan

Leave a Reply

iklan
error: Content is protected !!