COVALIMA, 16 jullu 2021 (TATOLI) – Servisu Munisipál Agrikultura Covalima sei loke natar ho to’os foun hamutuk ektare 210 iha 2022.
“Ami nia alvu ba natar tinan 2022 ita tau ona iha planu atu loke natar foun ektare 105 no to’os ektare 105,” Diretór Servisu Munisipál Agrikultura, Zeferino A. Guterres, informa ba Agência Tatoli iha nia kna’ar fatin iha Covalima, sesta ne’e.
Servisu Munisipál Agrikultura Covalima kada tinan hamutuk ho agrikultór sira loke sira-nia to’os ho natar fó apoiu kombustivel, tratór ba agrikultura sira tuir kapasidade.
Funsionáriu ne’ebé servisu iha Servisu Munisipál Agrikultura Covalima hamutuk 148, kompostu hosi funsionáriu permanente na’in-88 no kontratu na’in-43.
Jornalista : Celestina Teles
Editór : Francisco Simões
