MSSI sei distribui foos ba família vulneravel 1.161
COVALIMA, 26 jullu 2021 (TATOLI) – Ministériu Solidariedade, Sosiál no Inkluzaun (MSSI) Covalima sei distribui foos ba família vulneravel 1.161.
“Planu ba trimestre ne’e, ami sei distribui nafatin foos ba ita-nia grupu vulneravel sira iha postu administrativu Suai Villa, Tilomar, Maucatar, Zumalai no Fatumea,” Diretór MSSI Covalima, Agapito Assis, informa ba jornalista iha nia kna’ar fatin, segunda ne’e.
Iha loron 27-28 jullu ne’e, sei distribui apoiu foos iha Postu Administrativu Suai Villa ba Xefe família 474, loron 29-30 iha Postu Administrativu Tilomar ba xefe família 122, loron 2-3 agostu iha Postu Maucatar ba xefe família 105, loron 4 to’o 6 agostu, iha Postu Zumalai ba xefe família 326 no iha loron 9-19 iha Fatumea ba xefe família 134.
Jornalista : Celestina Teles
Editór : Francisco Simões
