DILI, 27 jullu 2021 (TATOLI) – Sekretáriu Estadu Juventude no Desportu (SEJD), Abrão Saldanha, informa atu entrega Estádiu Munisipál Dili ba Federasaun Futeból Timor-Leste (FFTL) hodi halo modifikasaun sai estandar internasionál sei iha prosesu ho Ministériu Justisa, Diresaun Nasionál Terras no Propriedade (DNTP).
Notísia Relevante : PM Taur konkorda entrega Estádiu Dili ba FFTL
“Kona-ba asuntu ida Primeiru-Ministru ko’alia ne’e loos. Antes ne’e, SEJD servisu hamutuk ho FFTL atu halo kooperasaun ho AFC, AFF no FIFA, atu haree ba Estádiu Dili hodi halo akordu ida atu FFTL bele hadi’a,” Abrão Saldanha informa ba Agência Tatoli iha edifísiu SEJD, Dili, tersa ne’e.
Nia dehan, prosesu hotu sei iha Ministériu Justisa bainhira entrega rai refere ho Estádiu ba SEJD foin mak halo akordu jestaun ho FFTL bele utiliza.
Jornalista : Hortencio Sanchez
Editór : Francisco Simões
