2022, MOP Covalima fó prioridade hadi’a estrada rurál
COVALIMA, 28 jullu 2021 (TATOLI)-Iha programa no planu orsamentu 2022, Servisu Obras públikas (MOP) Munisipál Covalima tau prioridade ba hadi’a estrada rurál.
“Ami aprezenta proposta neen (6) ba Administrasaun Munisípiu Covalima tanba ami tau prioridade ba estrada rurál,” Diretór Servisu Obras Publika Covalima, Alberto Cardoso, informa ba Tatoli iha nia kna’ar fatin, kuarta ne’e.
Projetu estrada rurál ne’e sei implementa iha Postu Fatululik, hosi Bonuk Beco ba Turunpo iha Postu Administrativu Zumalai, estrada hosi Suku Dato Tolu, Postu Administrativu Fohorem to’o iha Suai Villa, ezgotu iha Suai Villa inklui reabilitasaun edifísiu MOP Covalima
“Ami sei akumula dadus, nune’e sei iha prosesu diskusaun tanba atu implementa mós depende ba orsamentu,” nia tenik.
Jornalista : Celestina Teles
Editór : Francisco Simões
