Eskola TECVOC Covalima laiha fatin atu pratika

August 12, 2021
06:04 PM
Facebook Instagram X WhatsApp Telegram

Estudante sira simu Prezidente Republika, Francisco Guterres Lú Olo bainhira vizita ba Eskola Sekundária Jerál Públiku (ESJP) Seran-Kotek, Munisípiu Covalima, Kinta (27/06/2019). Imajen TATOLI/Eugénio Pereira.

COVALIMA, 12 agostu 2021 (TATOLI) – Eskola Sekundáriu Tékniku Vokasionál (TECVOC) Akar Laran, Covalima, laiha transporte no laiha fatin atu prátika ba estudante departamentu turizmu otelaria atu hala’o estájiu hodi dezenvolve turizmu komunitária.

“Ami iha departamentu turizmu otelaria laiha fatin prátika no transporte bainhira estudante sira atu halo prátika iha fatin turizmu hodi bele dezenvolve turizmu,” Diretór TECVOC Covalima, Marcos de Araújo, informa ba Tatoli iha nia kna’ar fatin, kinta ne’e.

Maske eskola rasik iha planu haruka estudante sira atu dezenvolve turizmu komunitária iha Covalima maibé la iha transporte. Tanba ne’e, estudante departamentu turizmu otelaria iha TECVOC estuda de’it teoria no laiha pratika.

Estudante sira iha eskola TECVOC na’in-232 no hosi númeru ne’e estudante departamentu turizmu otelaria na’in-70-resin.

Jornalista : Celestina Teles

Editór : Francisco Simões