EBC Fatuloro laiha biblioteka
COVALIMA, 16 agostu 2021 (TATOLI)- Eskola Bázika Sentrál (EBC, sigla portugés) Fatuloro, Suku Taroman, Postu Administrativu Fatululic, Munisípiu Covalima, to’o oras ne’e, laiha biblioteka tanba ne’e livru sira tau de’it iha sala laran.
Notísia Relevante : Komunidade Fatuloro seidauk asesu estrada ho di’ak
“Ami laiha biblioteka no livru sira ne’e ami rai de’it iha sala laran no livru sira balun aat ona,” Koordenadór EBC Fatuloro, Fernando Bere, informa ba Agência Tatoli iha nia serbisu fatin, EBC Fatuloro, segunda ne’e.
Parte eskola hato’o ona proposta ba iha edukasaun Munisípiu Covalima, maibé to’o ohin loron seidauk iha resposta.
Estudante iha EBC Fatuloro hamutuk na’in-156 ho nia profesór na’in-hitu (7), kompostu hosi feto na’in-rua (2) no mane na’in-lima (5).
Jornalista : Celestina Teles
Editór : Francisco Simões
