iklan

COVALIMA, EKONOMIA, MUNISÍPIU

Negosiante katupa iha Suai Loro la hetan rendimentu

Negosiante katupa iha Suai Loro la hetan rendimentu

Negosiante  katupa  iha Suai Loro, Munisípiu Covalima,  Domingos Amaral. Imajen Tatoli/Celestina Teles

COVALIMA, 31 Agusto 2021 (TATOLI) –  Negosiante  katupa  iha Suai Loro, Munisípiu Covalima,  Domingos Amaral, hateten durante implementa estadu emerjénsia no serka sanitária sira la hetan rendimentu.

“Antes Governu implementa Estadu emerjénsia no serka sanitária,  loron ida ami bele hetan $30.00 to’o $40.00, maibé agora sorte di’ak loron ida ami hetan $10.00,” Domingos Amaral hateten ba Agência Tatoli iha Suai Loro, tersa ne’e.

Domingos harii barraka iha Suai Loro hodi fa’an katupa ho  inisiativa mai hosi eis Vise Ministru Jacinto Barros hahú iha tinan 2017 to’o ohin loron. Hosi sorin seluk, xefe grupu KADUTA, Fernanda da Costa hateten, sira-nia grupu mós enfrenta problema finanseira tanba la hetan rendimentu besik tinan ona.

“Ami iha situasaun difisil tebes.  Maibé ami agradese ba Governu liu hosi Sekretáriu Estadu Arte no Kultura (SEAK) apoiu orsamentu $1,700 ba ami atu kontinua ami nia atividade negósiu liu hosi transforma nuu-kakun sai pasta, kanuru, bikan, karteira no seluk tan. Nune’e ami bele kontinua ami nia atividade negósiu,” Fernanda dehan.

Grupo KADUTA ho nia membru na’in-20 no hosi númeru ne’e kompostu hosi feto na’in-10 ho mane na’in-10.

Jornalista   : Celestina Teles 

Editór        : Francisco Simões 

 

iklan
iklan

Leave a Reply

iklan
error: Content is protected !!