DILI, 01 setembru 2021 (TATOLI)—Ministériu Defeza (MD), sei konstrui tán edifísiu foun komponente terreste ba FALINTIL Forsa Defeza Timor-Leste (F-FDTL), iha Maukatar, Suai, munisípiu Covalima parte sul, ne’ebé sei prevee iha Orsamentu Jerál Estadu (OJE) 2022.
“Tinan oin ita sei konstrui tán edifísiu kompañia terreste iha Maukatar,” Ministru Defeza, Filomeno da Paixão de Jesus, hateten ba jornalista-sira iha edifísiu Ministériu Finansa, Aitarak Laran, kuarta ne’e.
Notísia relevante:MD lansa konstrusaun edifísiu baze militár
Iha 26 agostu, Ministériu Defeza mós lansa fatuk daluhuk ba konstrusaun edifísiu ba kompañia terrestre baze militár F-FDTL, iha área Damanlara, aldeia Harane, suku Aidaba-Leten, postu administrativu Atabae, munisípiu Bobonaro.
Konstrusaun baze kompañia ne’e hanesan planu estratejiku militár, hodi kompleta infraestrura iha parte norte nian, hodi hala’o serbisu militár.
Jornalista: Nelson de Sousa
Editór: Cipriano Colo
