iklan

EKONOMIA, HEADLINE

AIFAESA disemina papél fiskalizasaun atividade ekonomia ba operadór ekonómiku

AIFAESA disemina papél fiskalizasaun atividade ekonomia ba operadór ekonómiku

Diretór Operasaun AIFAESA, Gabriel da Costa. Imajen TATOLI/Egas Cristóvão

DILI, 02 setembru 2021 (TATOLI)–Autoridade Inspesaun, Fiskalizasaun Atividade Ekonómia, Sanitária no Alimentár (AIFAESA), iha semana kotuk, disemina papél fiskalizasaun ba operadór ekonómiku sira.

“Ami hahú halo sosializasaun iha semana kotuk, ba sosiadade no operadór ekonómiku sira atu hatene serbisu ka papél AIFAESA ba inspesaun no fiskalizasaun ba atividade ekonómiku,” Diretór Operasaun AIFAESA, Gabriel da Costa, hateten ba Agência TATOLI, via telefónika, kinta ne’e.

Objetivu atividade ne’e, atu konsensializa públiku, liuliu operadór ekonómiku atu labele konfunde AIFAESA nia serbisu bainhira iha futuru halo inspensaun ba atividade ekonomia iha loja no supermerkadu sira.

Diretór ne’e nota katak fou-foun Governu estabelese AIFAESA hodi halo funsaun, iha operadór ekonómiku barak mak seidauk komprende no mosu infrasaun barak.

“Ita haree daudaun ne’e númeru  infrasaun sira hahú tun tanba operadór ekonómiku sira hahú hatene serbisu AIFAESA no komesa konsiente halo atividade ho kuidadu,” nia subliña.

AIFAESA iha kompeténsia atu halo inspensaun no fiskalizasaun, katak produtu sira ne’ebé iha di’ak ba saúde umana,  fó instrusaun no determina koima bainhira empreza komete infrasaun tuir Dekretu-Lei númeru 26/2016, loron 29 juñu 2016.

Vizaun AIFAESA maka hanesan entidade referénsia ida ba protesaun konsumidór, defeza ba saúde no promosaun ba konkorénsia leál entre operadór ekonómiku.

Ho misaun importante ne’e mak halo avaliasaun kona-ba risku iha kadeia alimetár no asegura komunikasaun no divulgasaun públika no transparante ba konsumidór sira, halo inspesaun no fiskalizasaun no prevensaun ba kumprimentu lejizlasaun ne’ebé regula ezersísiu kona-ba atividade ekonómiku sira iha setór alimentár no la’ós alimentár.

Jornalista : Natalino Costa

Editora      : Julia Chatarina

iklan
iklan

Leave a Reply

iklan
error: Content is protected !!