iklan

EKONOMIA, MUNISÍPIU, VIQUEQUE

Anin sobu uma tolu iha Viqueque

Anin sobu uma tolu iha Viqueque

Uma ne’ebé anin sobu iha 07 setembru iha aldeia Halderai, suku Uma Uai Craik, postu administrativu Viqueque Villa. Imajen Tatoli/Vitorino Lopes da Costa.

VIQUEQUE, 10 setembru 2021 (2021)—Serbisu Protesaun Sivíl, Munisípiu Viqueque, rejista uma tolu mak hetan estragu hosi anin boot iha inísiu fulan setembru, iha postu administrativu Viqueque Vila.

“Ami oferese oan apoiu emerjénsia ba uma ka’in rua no ida seluk ami foin mak haree no rejista,” Koodernadór Protesaun Silvíl Viqueque, Cerilo Soares Gomes, hateten ba jornalista, iha edifísiu Bombeiru, Viqueque, sesta ne’e.

Notísia relevante:Família rua simu ona apoiu emerjénsia hosi protesaun sivíl Viqueque

Dadus verifikasaun hatudu katak, uma ne’ebé anin sobu iha 07 setembru no rua seluk iha loron rua antes iha aldeia Halderai, suku Uma Uai Craik, postu administrativu Viqueque Villa  ho nia kategoria aat kamán.

Vítima Felis Martins, husu ba Governu atu aselera ajudu umanitariu no mós apoiu konstrusaun uma, tanba kondisaun uma la di’ak ona, sa tan agora tempu udan ona.

Jornalista: Vitorino Lopes da Costa

Editór: Cipriano Colo

iklan
iklan

Leave a Reply

iklan
error: Content is protected !!