COVALIMA, 10 setembru 2021 (TATOLI) – Servisu Rejistu Sivíl Notariadu Covalima (SRSNC) laiha blanku sertidaun RDTL no olograma hodi imprime Billete Identidade (BI).
“Durante fulan ida nia laran ami enfrenta laiha blanku RDTL no mós olograma ba BI. Daudaun hosi nasionál halo ona konkursu públiku iha tempu badak sei haruka mai iha Munisípiu atu ami bele halo imprime no halo atendimentu públiku,” Diretór Rejistu Sivíl no Notariadu Munisípiu Covalima, António Sarmento, ba jornalista iha nia kna’ar fatin, sesta ne’e .
Maske laiha blanku sertidaun RDTL no olograma BI maibé Servisu Rejistu Sivíl Notariadu Covalima kontinua halo atendimentu ba sidadaun sira trata dokumentu hodi imprime Surat tahan mutin sertidaun RDTL no BI provizóriu.
“Provizóriu ami imprime surat tahan mutin, tanba sidadaun sira presiza urjente hodi trata dokumentu ne’ebé uza de’it iha rai laran,” nia tenik.
Jornalista : Celestina Teles
Editór : Francisco Simões
