COVALIMA, 15 setembru 2021 (TATOLI) – Xefe Departamentu Reprezentasaun Territoriál Floresta Plata Indústria Covalima, Francisco Sarmento, informa hahú hosi abríl to’o juñu 2021, sira-nia parte kontribui reseita ba kofre Estadu $8,200.
“Hahú abríl to’o juñu floresta Covalima, kontribui ona reseita ba kofre Estadu hamutuk $8,200 reseita fulan Agusto ladún boot Tanba pandemia COVID-19,” Francisco Sarmento, informa ba Agência Tatoli iha Covalima, kuarta ne’e.
Reseita hirak ne’e floresta kontribui hosi prende ai ne’ebé komunidade ko’a iha ai-laran ho ilegálmente iha área Postu Administrativu Zumalai, Tilomar no Fatululik.
“Ami prende ai hirak ne’e ami haruka relatóriu ba patrimóniu Estadu pertensia ba Ministériu Finansas,” nia informa.
Jornalista : Celestina Teles
Editór : Francisco Simões
