Poezia
Hosi:
Dionisio de Jesus Lopes
Husi família laran luak no haraik-an ita moris ba,
Sai ema ida ne’ebé nia lala’ok ho kultura,
Ho hakaas-an hodi apriende mesak
La para hodi buka no mantein laran luak.
Ita sempre halo di’ak liu tan husi buat ne’ebé halo ona,
Efisíensia no efikasi nafatin iha ita-nia lala’ok,
Molok ita sai husi Seminário Dare hodi luta hasoru tiránia,
Ho haraik-an ita husu Misa soleñe.
Hanesan ita nia liafuan despedida:
“favór ida selebra Misa ida ba ha’u bainhira ha’u mate”
Liu tiha ita-nia ema valoriza ita-nia luta,
Hodi liberta nasaun ida ne’e, ema ida ne’e, ran ida ne’e,
Ami konsagra ita-nia fiar Katólika no ita-nia lia menon ikus.
Kontinua halo orasaun ba ami, Nicolau dos Reis Lobato…
