COVALIMA, 22 setembru 2021 (TATOLI) – Rádiu Komunidade Cova (RCC, sigla portugés) Taroman laiha edifísiu permanente, tanba ne’e sira utiliza armazén karreta rezidénsia hosi Administradór Munisípiu Covalima.
“Ami laiha edifísiu permanente no kondisaun Studio lad’iak, maibé ne’e la’ós sai obstákulu ba ami hodi halo funsionamentu ba RCC Taroman,” Jestór RCC Taroman, Chamut Nahak hato’o preokupasaun ne’e bainhira simu vizita Sekretáriu Estadu Komunikasaun Sosiál (SEKOMS), Mericio Juvenal Akara ba estasaun RCC Taroman, kuarta ne’e.
Hanesan Jerente RCC Taroman agradese ba Teras no Propriedade Covalima ne’ebé oferese ona fatin ba rádiu ne’e atu bele hahú reabilitasaun maske seidauk remata.
Sekretáriu Estadu Mericio Juvinal Akara hateten nia parte informa ona ba Teras no Propriedade no Administradór atu rezolve no oferese fatin ne’e ba RCC Taroman.
Durante ne’e Governu apoiu subsídiu ba RCC Taroman hodi divulga informasaun no halo promosaun dezenvolvimentu iha Munisípiu Covalima.
Jornalista : Celestina Teles
Editór : Francisco Simões
