COVALIMA, 22 setembru 2021 (TATOLI) – Sekretáriu Estadu Komunikasaun no Sosiál Mericio Juvinal Akara, apresia eskola Sekundária Jerál Públiku Suai ho inisiativa hodi estabelese programa smart school iha eskola hodi fasilita estudante sira.
Notísia Relevante : SEKOMS sei dezenvolve média lokál sira
“Ha’u interese liu programa smart school tanba liga ho komunikasaun hodi diversifika no dijitaliza sistema no atu estabelese tan rádiu streaming,” Mericio Juvinal Akara informa bainhira vizita Eskola Sekundáriu Jerál Publika Suai, Covalima, kuarta ne’e.
Programa smart school atu transforma koñesimentu estudante sira iha área dijitalizasaun. Diretór Eskola Sekundáriu Jerál Públiku Suai, Francelino Freitas Carvalho, apresia bainhira simu vizita hosi SEKOMS hodi haree direita programa smart school. Estudante iha EJS hamutuk na’in 2,175 ho profesór na’in-85.
Jornalista : Celestina Teles
Editór : Francisco Simões
