OÉ-CUSSE, 23 setembru 2021 (TATOLI)—Sentru Informasaun COVID-19 iha Rejiaun Administrativa Espesiál Oé-Cusse Ambeno (RAEOA), kinta ne’e rejista kazu pozitivu foun haat (4), ativu 54 no rekoperadu 238.
Notísia Relevante: COVID-19 iha RAEOA: pozitivu ida, ativu 56 no rekoperadu 241
“Iha RAEOA, ohin, ita rejista kazu pozitivu foun hamutuk na’in-haat (4), no ativu hela ka baixa iha sala izolamentu hamutuk 54 no ema ne’ebé rekopera ona hamutuk 238,” Sekretáriu Rejionál Asuntu Saúde, Manuel da Costa, informa ba Agênsia Tatoli iha Sikluli, Oé-Cusse.
Kazu ativu 54 daudaun ne’e baiaxa hela iha sala izolamentu Kiomaonteko na’in-hitu (7), izolamentu Alfandega Mahata na’in-sia (9), izolamentu Kliníka Kurasaun na’in-sia (9) no izolamentu Kitahara Mahata hamutuk na’in-29.
Tuir dadus hosi 23 marsu 2020 to’o 23 setembru 2021, totál dadus komulativu kazu konfirmadu 293, hasai teste swab 247, númeru RDT swab 190, komulativu teste-swab 3.561, komulativu rezultadu negativu 3.324.
Dadus pasajeiru sira-ne’ebé kumpre kuarentena obrigatóriu 1.716, auto-kuarentena 305 totál hamutuk 2.021 no pasa ona loron-14 hamutuk 1.916 no rejista óbitu ida.
Daudaun ne’e pasajeiru sira-ne’ebé tama Oé-Cusse kumpre hela kuarentena hamutuk na’in-36, kuarentena Sakato na’in-rua (2), uma Dra.Catarina Anunu ida (1), kuarentena Eskola ETARO Masin na’in-30, auto-kuarentena residensia Mateus Sufa na’in-ida (1), auto-kuarentena Palaban na’in-ida (1), auto-kuarentena Veronika Oématan na’in-ida (1).
Jornalista : Abílio Elo Nini
Editór : Cancio Ximenes
