COVALIMA, 27 setembru 2021 (TATOLI)–Protesaun Sívil (PS) munisípiu Covalima identifika ona fatin sira ne’ebé mak risku ba dezastre naturál tanba Timor-Leste nu’udar país ida ne’ebé mós tama iha senáriu ameasa ‘La Niña’.
Bazeia previzaun tempu ne’ebé fó-sai hosi Diresaun Meteorologia Timor-Leste (DMTL) katak sei akontese ‘La Niña’ nu’udar eventu klimátiku ida ho kondisaun anomalia ho temperatura laloran tasi-boot iha Oseanu Pasífiku no aumenta mudansa iha sirkulasaun atmosfera no anin no udan-boot.
“Ami iha planu no iha tempu-badak ami sei realiza sensibilizasaun ba komunidade ne’ebé mak risku ba dezastre naturál iha Munisípiu Covalima,” Koordenadór protesaun sívil Covalima, Dinis Pereira hateten ba jornalista iha nia kna’ar-fatin, segunda ne’e
Realiza sensibilizaun ba komunidade kona-ba ‘La Niña’ ho objetivu hasa’e kuñesementu komunidade nian tanba Timor-Leste tama iha senáriu ameasa ‘La Niña’.
Notísia relevante:MAP hahú prepara kondisaun salva natar hosi fenómenu La Niña
Entretantu, fatin sira ne’ebé risku ba dezastre naturál identifikadu husi Protesaun Sívil iha munisípiu Covalima mak hanesan iha suku Suai Loro Postu Suai Vila, Suku Casa Bauk Postu Administrativu Tilomar, Postu Zumalai iha Suku Rai-fatin risku ba inundasaun, rai monu no Postu Administrativu Maucatar risku ba anin-boot no rai-halai.
Notísia relevante:SEPS no parseiru hahú prepara kondisaun hasoru fenómenu La Niña
Jornalista : Celestina Teles
Editór : Rafy Belo
