iklan

EKONOMIA, COVALIMA, MUNISÍPIU

Serbisu jestaun merkadu Suai, prontu kombate lixu

Serbisu jestaun merkadu Suai, prontu kombate lixu

Atividade Merkadu Covalima. Imajen/Radiu Komunidade Taroman.

COVALIMA, 27 setembru 2021 (TATOLI)—Serbisu jestaun merkadu Suai, sei fó-prioridade hodi hadi’a kondisaun ambiente merkadu Suai, liuliu kombate lixu ne’ebé aumenta hosi loron ba loron.

“Ha’u prontu hadi’a merkadu ida-ne’e, ho kondisaun ambiente ne’ebé moos tanba kondisaun ambiente merkadu Suai nakonu ho lixu,” Xefe jestaun merkadu Suai, Mafalda Cardoso da Costa, hateten ba jornalista iha merkadu Suai, segunda ne’e.

Notísia relevante:Serbisu floresta Covalima presiza aumenta funsionáriu

Mafalda mós promete sei koopera ho autoridade lokál-sira, komunidade no negosiante-sira atu bele rezolve hamutuk situasaun ne’e.

Antes ne’e, serbisu jestaun merkadu no turizmu munisípiu Covalima, hasai ona sirkulár ho númeru 03/SMGMT/AMC/I/ 2021, hodi aplika multa $25 to’o $50 ba negosiante ne’ebé so’e lixu arbiru.

Diretór serbisu munisipál jestaun merkadu no turizmu, Damião Amaral, hateten sirkulár ne’e hasai hodi regula negosiante iha merkadu sira iha munisípiu ne’e, bainhira deskobre so’e lixu arbiru.

Notísia relevante:Soe lixu arbiru, Covalima aplika multa $25 to’o $50 ba negosiante

Jornalista: Celestina Teles

Editór: Cipriano Colo

iklan
iklan

Leave a Reply

iklan
error: Content is protected !!